స్వతంత్ర సమరయోధుడు అల్లూరి సీతారామరాజు వర్ధంతి సందర్భంగా గురజాడ గ్రంధాలయం వద్ద పూల మాల వేసి, నివాళులర్పించడం జరిగింది .

స్వతంత్ర సమరయోధుడు అల్లూరి సీతారామరాజు వర్ధంతి సందర్భంగా గురజాడ గ్రంధాలయం వద్ద భారత ప్రజాతంత్ర యువజన సమస్య DYFI ఆధ్వర్యంలో నివాళులర్పించడం జరిగింది… డివైఎఫ్ఐ జిల్లా కన్వీనర్ హరీష్ ఫోటోకి పూలమాలవేసి నివాళులర్పించడం జరిగింది. ఈ కార్యక్రమంలోఅల్లూరి సీతారామరాజు స్వాతంత్ర్య సాధనకు తన జీవితాన్ని అంకితం చేసిన వీరుడు. బ్రిటీష్ పాలనకు వ్యతిరేకంగా సాయుధ పోరాటం సాగించి, తెలుగు వారి పౌరుషాన్ని ప్రపంచానికి చాటిన విప్లవ వీరుడు. యువత ఆయన అంకితభావం నుండి ప్రేరణ పొందాలి
అల్లూరి సీతారామరాజు మన్యం ప్రజల హక్కుల కోసం, బ్రిటీష్ అధికారుల దోపిడీని ఎదుర్కొని పోరాడాడు. నేటి యువత సమాజంలోని అన్యాయాలను ఎదుర్కోవడానికి ఆయన పోరాట ధోరణిని ఆదర్శంగా తీసుకోవాలి.
కేవలం 26 ఏళ్ల వయస్సులోనే బ్రిటీష్ సామ్రాజ్యవాదాన్ని ఎదుర్కొన్న అల్లూరి స్థైర్యం, నిరాశలేని పట్టుదల యువతకు ఆదర్శం. జీవితంలో ఎదురయ్యే సవాళ్లను ధైర్యంతో ఎదుర్కోవడానికి ఇది స్ఫూర్తినిస్తుంది.
అడివిబిడ్డలు, సామాన్య ప్రజలను ఐక్యంగా నడిపించి సామూహిక శక్తిని ప్రదర్శించిన అల్లూరి నాయకత్వ గుణాలు యువతకు మార్గదర్శకం. సామాజిక మార్పులకు సామూహిక శక్తి అవసరమని తెలుసుకోవాలి.
1924 మే 7న బ్రిటీష్ సైనికుల తూటాలకు బలి అయిన అల్లూరి త్యాగభావం నేటి యువతకు ప్రేరణనిస్తుంది. స్వార్థం కంటే సమాజం కోసం త్యాగం చేయడం అనే మహోన్నత ఆలోచనను ఆయన జీవితం నుండి నేర్చుకోవాలి.అలాగే
అల్లూరి సీతారామరాజు జీవితం యువతకు కేవలం చరిత్ర కాదు, జీవిత మార్గదర్శి. ఆయన స్ఫూర్తితో నేటి యువత సామాజిక బాధ్యతలను భరించి, దేశభక్తితో ముందుకు సాగాలి. ఈ కార్యక్రమంలోని రామ్ శ్రీ, ఆదిత్య యువత పాల్గొన్నారు….